GIPASALAMATAN ni 2nd District Congressman Bambi Emano si Gov. Peter “Sr Pedro” Unabia sa serbisyo nga gitunol sa lalawigan sa way pag-ila sa buLok sa politika. Kini giluwatan sa kongresista sa dihang nakig-uban siya sa “Serbisyo sa PAGLAUM” didto sa lungsod sa Manticao.
Gikalipay usab ni Cong. Bambi ang panaghiusa sa puno-an sa lalawigan, kongresista ug lungsod nga wala sukad mahitabo sa dihang siya pa ang gobernador tungod sa magkalahing grupo sa politika.
Gitumbok usab ni Cong. Emano ang kinasing-kasing nga tinguha ni Gov. Unabia pag-serbisyo sa katawhan.
Kahinomduman nga uban nila ni Gov. Unabia, Cong. Emano, Vice Gov. JigJag Pelaez, ang lokal nga mga opisyales sa maong lungsod sa pagpanguna ni Mayor Stephen Tan. Diha usab ang mga sako sa Sangguniang Panlalawigan, Department Heads sa kapitolyo probinsiyal ug sa Munisipyo.
By: Rejiann Ammor R. Maygay/PIO
Gobernador Peter M. Unabia, 2nd District Congressman Bambi Emano ug Vice-Governor Jigjag Pelaez uban sila Manticao Mayor Stephen Tan, Vice-Mayor Bobby Lgarosas ug ang tibuok konseho sa LGU- Manticao.
Si Gobernador Peter M. Unabia mihatod sa iyang mainitong panimbaya sa lungsod sa Manticao atol sa Serbisyong PAGLAUM nga programa.
MisOr- 2nd District Congressman Bambi Emano sa iyang mensahe pagdayeg sa epektibong liderato ni Gobernador Peter Unabia.
