GOVERNOR’S NIGHT NI GOV.UNABIA SA MINDANAO FOOD CONGRESS & ORO EXPO 2022, MABULOKON

November 10, 2022 Provincial Information Office

MABULOKON nga napahigayon ang governor’s night sa kalihokan sa rehiyon 10 nga Mindanao Food Congress & Oro Expo 2022 ning bag-o lang nga gipahigayon sa Seven Seas Waterpark and Resort sa lungsod sa Opol.
Usa ka dako nga oportunidad ang Food Congress ug Oro Expo 2022 aron nga mapasundayag ang mga gipasigarbong produkto gikan sa nagkalain-laing probinsya sa rehiyon hilabi na sa lalawigan sa Misamis Oriental.
Mitambong sa maong panagtigom ang mga kadagkuan sa Indian Embassy sa Pilipinas nga girepresentahan ni Mr. Nishikant Singh, First Secretary (Economic & Commerce), mga negosyante sa India Business Forum (IBF), Opol Mayor Hon. Jayfrancis Bago, mga myembro sa Provincial Tourism Council sa Misamis Oriental, ug uban pa.
Mapasalamaton usab si Provincial Tourism Council Co-chair Erlinda Unabia sa mga mitambong sa panagtigom hilabi na sa mga stakeholders ug business partners sa lalawigan aron sa kalamboan ubos usab sa PAGLAUM strategic direction nga gihingusgan sa gobernador sa lalawigan.

By: Nefilim Diaz/PIO