PMU PAGATUTUKAN ANG PRIORITY PROJECTS SA LALAWIGAN

GIMANDOAN ni Gov. Peter “Sr. Pedro” Unabia ang Provincial Engineer Planning Division nga sutaon ang mga gikinahanglang proyekto sa matag lungsod ilabi na sa problema sa panubig.
Gibutyag ni Gov. Unabia nga gikinahanglan maabagan ang matag barangay diha sa pagkutay o pagtaud sa proyekto sa panubig. Gisugyot usab sa gobernador ang sistema nga angayang adaptahon sa matag barangay aron sila mismo ang makasustine pagmintinar sa proyekto sa panubig.
Ang kamandoan ni Gov. Unabia subay kini sa programang “Adopt A Barangay” nga gihimo sa matag opisina sa kapitolyo probinsiyal.

By: Ellen Mae Lahinao/PIO

Hulagway kuha ni: Marvin Gilig/PIO