P40-MILLION SPORTS EQUIPMENT PARA SA MIS.OR. YOUTH

KUWARENTA milyones pesos (P40-Million) ang kantidad sa Sports equipment ang gitunol ngadto sa Sangguniang Kabataan federations ning lalawigan. Kini gilangkoban sa basketball, volleyball, nets, digital timer, fiberglass basketball boards, rings ug uban pa.
Uban ni Gobernador Peter M. Unabia nga nangtunol sa maong ekipo sila Provincial Board Members Kerwin Jess Soldevilla, Boboy Sabal, Rey Buhisan, Erik Khu, Michile Anayron, Pangky Acain ug Princess Emano. Samtang ang nagpaluyo niini nga kalamposan mao ang Provincial Youth and Development Office ubos ni PYDO Head Ms. Allyn Auxtero.
Ang pagtunol sa nahisgutang mga ekipo kabahin kini sa sports development program sa lalawigan. Kahinomdumang nahitabo ang turn-over sa sports materials atol sa “Kabatan-onan PAGLAUM Ka! The MisOr SK Assembly” sa Limketkai Atrium, Limketkai Mall sa CDO City ning tuiga.

By: Rejiann Ammor R. Maygay/PIO

Hulagway kuha ni: Marvin Gilig/PIO