LIBOAN KA MGA INDIBIDWAL SA BALINGOAN NAKABENEPISYO SA SERBISYONG PAGLAUM

MOABOT sa kapin usa ka libo ang kinatibuk-ang mga benepisyaryo sa Serbisyong Paglaum Program nga gihatud ngadto sa lungsod sa Balingoan niadtong Nobyembre 14, 2022.
Ang mga serbisyo nga gitunol mao ang veterinary services, COVID-19 vaccination, blood chemistry & blood typing, progestin subdermal implant, buntis class, feeding program, dental extraction, eyeglass distribution, food packs distribution, educational assistance, national ID assistance, legal counselling ug Provincial Microfinance Unit-Livelihood for Economic Recovery and Acceleration Program (PMU LEAP).

Mitambong sa maong kalihokan sila 1st Congressman Christian Unabia, Balingoan Mayor Aaron Paul Unabia, mga miyembro sa Sangguniang Panlalawigan ug Sangguniang Bayan, mga kapitanes ug mga benepisyaryo sa lalawigan.
Kini agi’g pagtuman sa saad ni Gov. Unabia nga magbisita sa mga lungsod ug syudad sa lalawigan matag ikaduha ug ikaupat nga lunes sa bulan aron mahatud ang mga batakang serbisyo sa katawhan.

By: Jane Salimbao/PIO

Hulagway kuha ni: Marvin Gilig/PIO