DIGITAL POSTER MAKING UG ONLINE STORY TELLING CONTEST SA KAPITOLYO PROBINSYAL

GILUSAD sa Provincial Library ang Digital Poster Making ug Online Story Telling contest subway sa ika-88 nga National Book Week Celebration.
Ang maong selebrasyon nga dunay temang: “BASA.BAYAN.BUKAS” magsugod sa Nobyembre 24 hangtod Nobyembre 30 ning tuiga.
Gibutyag ni Provincial Librarian Richel Pajara nga tumong sa maong kalihokan nga ma-promote ang Provincial Library ug ang importansya niini sa hilabi na sa kabatan-onan. Gidugang ni Pajara nga subay usab ang maong kalihokan sa PAGLAUM strategic direction ni Governor Peter “Sr Pedro” Unabia nga mahatagan og pagtagad ang kabatan-onan hilabi na nga taas ang kaso sa mga elementary students nga dili kabalo mobasa.
Ang Online Story Telling contest para sa elementary ug senior high school students samtang Digital Poster making sa mga college students. Ang mga prizes nga gitagana sa mga mananaog sa online story contest ug digital poster making mao ang: 1 laptop para sa 1st prize, 1 tablet para sa 2nd prize, ug 1 cellphone para sa 3rd prize.
Hangtod lamang sa Nobyembre 27, 2022 ang pag sumiti sa entry sa mga partisipante.

By: Nefilim Diaz/PIO

Photo Courtesy: MisOr Provincial Library