GOBERNADOR UNABIA GIDASIG ANG MGA MAG-UUMA SA BALINGOAN

“WE have to act. Kinahanglan moactive, kinahanglan molihok ta” – mao kini ang pag-awhag ni Gobernador Peter “Sr Pedro” M. Unabia sa mga mag-uuma sa lubi sa lungsod sa Balingoan atol sa pagtambong niini sa Flag Raising Ceremony sa ilang lungsod.
Kini human nasayran sa gobernador nga wala pa nakamugna og kooperatiba o asosasyon ang mga coconut farmers sa maong lungsod. Gihagit ni Unabia ang mga mag-uuma sa lubi nga mag-organisa aron sayon nga makabaton ug pundo gikan sa coco levy fund.
Kini nagsumikad sa direksyon sa amahan sa lalawigan– Gobernador Unabia nga matabangan ang mga Misamisnon nga makabaton og dako nga kita og muuswag ang ilang estado sa kinabuhi.
Tinguha sa gobernador nga maayudahan ang mga mag-uuma sa lubi sa ilang panginabuhian.

By: Jane Salimbao/PIO

Hulagway kuha ni: Marvin Gilig & Mel Theresa Ruales/PIO