loader image

GPMU: “THOSE WHO HAVE LESS, SHOULD HAVE MORE SUPPORT”

“THOSE WHO HAVE LESS, SHOULD HAVE MORE SUPPORT”– mao kini ang gipamulong ni Gobernador Peter “Sr Pedro” M. Unabia atol sa iyang pagbisita sa lungsod sa Balingoan niadtong Nobyembre 14, 2022.
Ang munisipyo sa Balingoan, giila nga 5th Class Municipality buot pasabot nga limitado lamang ang pondo niini. Gumikan niini, nakigtigom si Gov. Unabia sa siyam ka Barangay Council aron hisgutan ang mga plano ug proyekto sa kabaranggayan.
Gidugang sab sa gobernador ang plano nga pagpatukod sa merkado, community college, bus terminal ug boulevard sa maong lungsod. “Nalipay mi kaayo kay naa akoy apo nga hapit na sad mag-college mao na nga nagpasalamat gyud kaayo mi kang Governor kay daghan kaayo siya projects nga gi-offer.
Salamat gyud kaayo Governor Unabia,”matud ni Mrs. Letecia M. Quinto, taga Baranggay Kabulakan, lungsod sa Balingoan.

By: Jane Salimbao/PIO

Hulagway kuha ni: Marvin Gilig & Mel Theresa Ruales/PIO