DUL-AN 1.5-MILYONES NGA HONORARIUM GITUNOL SA MGA CDW SA LALAWIGAN

MOABOT sa 749 ka mga Child Development Workers (CDW) ang nakadawat og honorarium gikan sa Provincial Early Childhood Care and Development Office (ECCD).
Kini subay sa pagselebrar sa National Teacher’s Month ug pag-ila sa ilang naambag sa pagpalambo sa kabataan sa lalawigan. Matag usa kanila nakadawat og tag dos mil (2,000) pesos nga honorarium.
Duna sab gitunol nga mga disinfecting materials alang sa 746 ka mga Child Development Centers sa probinsya nga mikantidad sa 1,464,372.00 pesos. Gitakda usab silang modawat sa tag 4,000.00 pesos sa Annual CDW Convention nga ipahigayon sunod bulan ning tuiga.
Kini gihimo agi og pasalamat ni Governor Peter Unabia sa matag CDW nga mihatag dedikasyon ug serbisyo aron matutokan ang mga gagmay’ng kabataan sa lalawigan.

By: Jane Salimbao/PIO

Photo Courtesy: Provincial ECCD- MisOr