DUL-AN 12-MILYONES BALOR NGA AMBULANSYA GITUNOL SA MGA PROVINCIAL HOSPITALS
MOBALOR sa 11,742,000.00 pesos ang kinatibuk-ang kantidad sa unom ka ambulansya nga gitunol sa Department of Health (DOH) ngadto sa mga Misamis Oriental Provincial Hospitals (MOPH) niadtong Nobyembre 21, 2022.
Ang unom ka ambulansiya para sa mga hospital sa Magsaysay, Claveria, Alubijid, Balingasag ug Gingoog City. Gamiton kini isip response vehicle hilabina kon dunay mga emerhensiya ug hinanali nga panginahanglan sa pagbyahe sa mga pasyente sa ilang mga lugar.
Kini kabahin sa Health Facilities Enhancement Program (HFEP) sa DOH kon asa ang pondo gikan sa buhatan ni Senate President Juan Miguel Zubiri ug Senator Juan Edgardo βSonnyβ Angara.
Kahinumduman nga dunay laing 16 ka mga ambulansya lakip na ang 8 ka vans ang gitunol sa Kapitolyo Probinsyal alang sa mga MOPH sa bulan sa Oktubre sa milabayng tuig.
Gibutyag sab ni Gobernador Peter Unabia nga duna pod laing mga ambulansya ang gitakda nga itunol sa mga kalungsuran sa lalawigan.
By: Jane Salimbao/PIO
Hulagway kuha ni: Marvin Gilig/PIO
