GOV. NAG-AWHAG NGA PAHIMUSLAN ANG PMU-LEAP

GIAWHAG ni Gobernador Peter “Sr Pedro” Unabia ang katawhan nga pahimuslan ang programang PMU-LEAP kon Provincial Microfinance Unit-Livelihood for Economic Recovery and Acceleration Program.
Gibutyag sa gobernador nga dunay gialokar nga singkwenta (50) Milyones pesos nga supplemental budget hangtud Disyembre para sa panginabuhian.
Gidasig sa gobernador nga magparehistro na ang katawhan nga gusto og pondo aron pagsugod ug pagsuporta sa ilang negosyo. Ang gikinahanglanng rekisitos gilangkuban sa Intent Letter, Business Proposal ug uban pa nga mahimong isumite didto sa Provincial Cooperative Office.
Tumong sa gobernador nga pinaagi sa maong programa kahatagag paglaum ang mga gagmayng negosyante uban sa tinguha nga mapaubos ang poverty incidence sa lalawigan.

By: Jane Salimbao/PIO

Hulagway kuha ni: Marvin Gilig & Mel Theresa Ruales/PIO