loader image

YOUTH BOXERS SA GINGOOG CITY SUPORTADO NI GOV. UNABIA

DAKO ang pagtagad ni Gobernador Peter “Sr. Pedro” Unabia sa talento sa mga kabatan-onan labina sa natad sa paugnat sa kusog.
Bag-ohay lang mibisita ang Gobernador sa Gingoog City uban ni Mayor Erick Cañosa ug ang nag-presentar nga upat ka boksingerong nagmalamposon sa ilang kampanya sa “Ultimate Knockout Challenge” sa kaulohan.
Ang mga boksidor gilangkuban nila ni Steven Lagrama, James Bryan Kee, Ronel Jade Nale, ug Wesley Caga. Head Coach sa maong team si Kag. Mariano C. Baja ug Assistant coach Kag. James Balane.
Gumikan niini mihatag ug biente singko (25,000) mil pesos si Gov. Unabia isip pasiunang ayuda sa maong boxing team. Ang nahisgutang boxing team gitakdang mosalmot sa torneyo gawas sa nasud.

By: Rejiann Ammor R. Maygay/PIO


Photo Courtesy: Peter “Sr. Pedro” Unabia fb page