KAPIN P5.5- MILYONES GITUNOL SA UHC IMPLEMENTATION

November 25, 2022 Provincial Information Office

PORMAL nga gitunol sa Department of Health Region 10 ang 5,528,166.53 pesos para sa Universal Health Care sa lalawigan.
Si DOH regional director Dr. Jose R. Llacuna Jr. ang nanguna pagtunol sa cheke ngadto ni Governor Peter “Sr Pedro” Unabia atol sa senemanang flag raising sa kapitolyo probinsiyal. Ang nahisgutang pundo gamiton para sa programang Medical Assistance for Indigent Patient (MAIP) sa lalawigan.
Gibutyag ni Gov. Unabia nga ang nahisgutang pundo dakog ikatabang aron mahatag ang dekalidad nga health services sa probinsiya.
Misaksi usab sa maong kalihokan sila si vice governor Jigjag Pelaez, Provincial Health Office Head Dr. Israel Peralta, sakop sa Sangguniang Panlalawigan ug DOH- Region 10 personnel.

By: Rejiann Ammor R. Maygay/PIO