CHILDREN’S CHRISTMAS PARTY SA KAPITOLYO NAGMABULOKON

DUL-AN lima ka gatus ang misalmot sa Children’s Christmas Party sa Kapitolyo Probinsyal niadtong Disyembre 21, 2022.
Maoy nanguna sa maong kalihokan ang Provincial Early Childhood Care and Development Office (ECCD), Iskolar Ko ng Bayan (IKNB) office ug MisOr CareS.
Lakip sa gipahigayong kalihokan ang magic show, raffle draw, pag-perform sa Propan ug Jollibee Mascot ug pagpanghatag sa mga pagkaon ug dulaan.
Hilabihan ang kalipay sa mga ginikanan nga nakita ang ilang mga kabataan nga nalingaw sa maong programa ug mapasalamaton kang Governor Peter Unabia sa suporta nga gihatag sa ilang mga kabataan.
Misalmot sa maong kalihokan sila si Gobernador Peter Unabia, Board Member Gerardo “Boboy” Sabal III ug uban pang mga opisyales sa Kapitolyo Probinsyal.

By: Jane Salimbao/PIO

Hulagway kuha ni: Mark Anthony Pareja/PIO