GOV. UNABIA MISIGURO SA MGA PULIDONG PROYEKTONG INPRASTRAKTURA

Gipaniguro ni Gov. Peter “Sr Pedro” Unabia nga mga lig-on ang mga kadalanan ug tulay sa lalawigan. Kini human nakita sa gobernador ang kadaut sa mga lungsod sa Balingasag ug Talisayan resulta sa padayong pag-ulan sa probinsiya.
Base sa ulahing report sa Provincial Disaster Risk Reduction Management Office mokabat sa otso milyones ang damyos sa inprastraktura sa lungsod sa Talisayan.
Lakip sa nakaangkon ug damyos sa maong lungsod ang mga flood control dike, sea wall ug tulonghaan.
Kahinomduman nga uban ni Gov. Unabia sa pagbisita sa mga apektadong lungsod ang mga hintundang ahensiya sa kagamhanang local sa probinsiya sama sa PDRRMO, Cooperative office, PSWD ug uban pa.

Photos courtesy: MISAMIS ORIENTAL-PROVINCIAL DISASTER RISK REDUCTION & MANAGEMENT OFFICE