PROVINCIAL GOVERNOR’S OFFICE LAKIP NANGUNA SA ADOPT A BARANGAY IMPLEMENTATION

GIPANGUNAHAN ni Gobernador Peter “Sr. Pedro” Unabia ang pag-implementa sa Adopt a Barangay Project kung asa ang na-assign kanila mao ang Brgy. Tama sa lungsod sa Magsaysay.
Base sa pagbisita sa Provincial Governor’s Office ang nag-unang panginahanglanon sa lugar mao ang pagtukod og Teacher’s Dormitory alang sa Tama Integrated School Teachers.
Uban sa Misamis Oriental Provincial Hospital (MOPH)- Magsaysay, MisOr CareS Office, Provincial Library, Provincial Youth Development Office, Provincial Population Office, Provincial Sports Council, Provincial Environment and Natural Resources Office, Philippine Statistics Authority, Bureau of Fire Protection- Magsaysay ug Magsaysay College, nanghatag sila sa Hygiene Kits, School Supplies ug mga sinina ngadto sa mga residente sa lugar.
Dugang pa ang gitunol niining mga seedlings sa maong barangay. Samtang gikalipay sa mga estudyante ang gipanghatag nga mga school supplies, libro ug coloring materials.
Nakabenispisyo usab ang mga kabatan-onan pinaagi sa gitanyag nga diskusyon mahitungod sa Sexuality and Growing as Adults, SK Empowerment ug ang pag-familiriaze sa Fire fighting Equipment and Materials. Dunay gipanghatag kanila nga electronic tablets ug mga sports equipment.Mahitungod sa panlawas ug social services, nagmalampuson ang medical mission ug family planning lecture lakip na pagpanghatag sa libreng tambal. Ubay-ubay na ang nahatag sa panggamhanang probinsya sa mga piling barangay.
Niining bag-ong tuig sa 2023 gisaad nang daan sa Gobernador ang puno sa gugma nga panerbisyo.

By: Rejiann Ammor R. Maygay/PIO

Photos courtesy: Provincial Governor’s Office