PANAGHIUSA SA MISOR UG CDO CITY GIKALIPAY SA KATAWHAN

ANG kalamposan sa ika-napulo ka tuig nga selebrasyon sa Kuyamis Festival nagikan sa hugot nga panaghiusa sa lalawigan sa Misamis Oriental ug dakbayan sa Cagayan de Oro. Usa ka pamatuod nga ang panerbisyo nila Gobernador Peter “Sr. Pedro” M. Unabia ug Mayor Rolando “Klarex” Uy nga walay sagol bulok sa pulitika.
Mensahe sab ni Gobernador Unabia nga dili angayang ibulag ang MisOr ug CDO.
Tungod niini gikalipay ug dako sa katawhan ang nahisgutang panaghiusa sa kalihokan. Sama nalang nila Janice Espinosa nga maoy nahimong best vocalist sa gipahigayong battle of the bands ug Josh Martin Bolonias nga maoy team leader sa nahimong kampyon sa dance challenge nga pulos lumulupyo sa Brgy. Carmen, CDO City.
Matud nila nga dako ang ilang kalipay nga mapasigarbo ang matag talento labina ang mabati ang gugma duyog sa kultura sa mga Misamisnon.

By: Rejiann Ammor R. Maygay/PIO

Hulagway kuha nila: Mark Anthony Pareja, Mel Theresa Ruales, Arnie Saniel & Andy Pacamalan/PIO