MGA MIYEMBRO SA ATOM MAPASALAMATON KANG GOVERNOR UNABIA

PIPILA ka mga miyembro sa Misamis Oriental Association of Tourism Officers midayeg kang Governor Peter “Sr. Pedro” Unabia tungod suporta sa 10th Kuyamis Festival.
Matud ni Claveria Tourism Officer Ms. Glenn Beth Dacobor-Conde nga mapasalamaton siyang padayong gisuportahan ni Unabia ang Kuyamis Festival nga nasugdan sa miaging administrasyon.
Samtang, si El Salvador City Tourism Office-in-Charge Aldrin John C. Bernadas nagpasalamat sa paghatag niini nga opurtunidad sa mga kalungsuran ug syudad nga mapasundayag ang ilang mga produkto nga pagkaon ug handicraft nga garbo sa ilang dapit.
Ang Kuyamis Festival nahimo nga paagi aron magkahiusa ang mga lungsod ug syudad sa walay bulok sa politika nga maoy nag-unang tinguha sa gobernador.

By: Jane Salimbao/PIO