loader image

GPMU ANDAM MOPASIRADO SA MGA POULTRY NGA NAGHATAG PROBLEMA SA KATAWHAN

ANDAM si Governor Peter “Sr Pedro” Unabia pagpasirado sa mga poultry nga dili mosunod sa rekomendasyon pag-sulbad sa problema sa langaw dinhi sa lalawigan. Kini ang giluwatang bahad ni Gov. Unabia sa konsultasyon sa mga poultry operators gikan sa lungsod sa Alubijid ug Libertad ning lalawigan.
Gitin-aw ni Unabia nga dili mahimong ibaliwala ang reklamo sa katawhan batok sa problema sa langaw sa ilang barangay bisan ug dunay natabang ang poultry sa ekonomiya sa lalawigan.
Gidugang ni Unabia nga kinahanglang andam ang mga tag-iya sa poultry pag-gahin ug dugang pundo aron kahatagan o malikayan ang pagdagsang sa langaw diha sa manokan.
Subay niini gisugyot sa gobernador ang pagmugna ug Monitoring Team nga langkuban gikan sa barangay, munisipyo, probinsiya ug Environment Department aron i-monitor ang kahimtang sa mga poultry.
Kahinomduman nga dugay nang gi-reklamo sa katawhan sa barangay Taparak, Alubijid ang grabeng langaw sa ilang lugar. Susamang problema usab ang kasinatian sa katawhan sa lungsod sa Libertad ning lalawigan.
Ang consultative meeting gitambongan sa poultry operators ug ubang stakeholders gikan sa duha ka lungsod.

By: rw

Hulagway kuha ni: Mark Anthony Pareja/PIO