GPMU MIPASALIG SA MAKANUNAYONG SUPORTA SA MGA KANHI REBELDE

GIPASALIG ni Governor Peter “Sr Pedro” Unabia ang padayong suporta sa mga kanhi rebelde dinhi sa lalawigan. Kini human laing walo ka mga rebelde ang mitahan balik sa balaod.
Sa gipahigayong peace and order council meeting gitunolan ang mga mi-surrender sa tag-singko mil pesos gikan sa kagamhanang probinsiyal ug laing singko mil gikan sa buhatan ni Congressman Christian Unabia.
Ang nahisgutang mga kanhi rebelde nag-gikan sa Lagonglong, Salay ug Balingasag. Nag-unang rason sa pag-surrender sa mga kanhi rebelde ang kalisod nga ilang kasinatian sa bukid ug kamingaw sa ilang mga pamilya.

By: Jane Salimbao/PIO

Hulagway kuha ni: Charm Andy Pacamalan/PIO