MGA MAGTUTUDLO SA MISOR ANDAM MUSUPORTA SA ADMINISTRAYONG UNABIA

NAGPADAYAG sa ilang dakong suporta ang mga magtutudlo sa lalawigan ngadto ni Governor Peter “Sr Pedro” Unabia.
Matud ni Public Schools District-in-Charge Designate Ms. Mary Ann Catubig Magdale sa Initao North District nga mapasalamaton siya sa dakong pagtagad sa gobernador sa edukasyon.
Kini human giaprobahan na sa Local School Board (LSB) niadtong Enero 20, 2023 ang 300 milyones pesos nga budget alang sa mga proyekto ug programa sa mga tunghaan partikular na sa katukuran sa mga classrooms sa tibuok lalawigan.
Gawas niana, gikalipay sab ni Ms. Magdale ang plano sa LSB paghatag sakyanan ug health insurance sa mga magtutudlo.

By: Jane Salimbao

Hulagway kuha ni: Marvin Gilig/PIO