loader image

PHILMECH CLUSTER HEAD, GIDAYEG SI GOV UNABIA

GIDAYEG ni Philippine Center for Postharvest Development and Mechanization (PHILMECH) Mindanao A Cluster Head Engr. Edgar B. Testa ang malampusong pagsugod sa proyektong Rice Process System II dinhi sa lalawigan.

Partikular nga gidayeg ni Testa si Governor Peter “Sr.Pedro” Unabia nga nangusog aron masugdan ang maong proyekto. Gidugang ni Engr. Testa nga nahimo kining posible tungod sa inisyatibo sa gobernador nga hatagan og dakong higayon ang mga mag uuma sa lalawigan nga molambo.

Matud ni Engr. Testa nga damgo sa Department of Agriculture sa rehiyon 10 nga mahatagan og kaharuhay ang mga mag-uuma pag proseso sa ilang abot. Nagpasalamat usab si Engr. Testa sa mga kadagkuan sa First Community Cooperative ug DA-10 sa ilang inisyatibo nga masugdan sa daling panahon ang maong proyekto.

By: Nefilim Diaz/PIO


Hulagway kuha ni: Marvin Gilig/PIO