loader image

PAGLAUM Help Desk

Sa padayon nga hiniusang lihok para sa serbisyong katilingbanon ilabina sa maayong panlawas, atong pormal nga gilusad ang mga PAGLAUM Help Desk sa walo ka-Misamis Oriental Provincial Hospital (MOPH) kauban ang MisOr Cares ug Provincial Social Welfare and Development Office para mapaduol sa matag Misamisnon ang paghatag og tabang ug ayuda sa mga pasyente sa matag ospital.
Makadawat ang mga benipisyaryo sa mga tabang sama sa Assistance to Individuals in Crisis Situation (AICS) nga gilangkoban sa suporta sa hospital bills, laboratory ug uban pa nga pangospital nga galastuson. Makahatag sab og Death Assistance nga gilangkoban sa lungon, pag-embalsamar, transportasyon ug lubong.
Ang PAGLAUM Help Desk gilauman nga makapaduol sa mga batakang serbisyo sa matag baryohanon sa Misamis Oriental kay sa panlantaw nga ang Pamilyang Misamisnon Unahon.