PLANONG usbawan sa kagamhanang probinsyal ang koleksiyon sa pag-quarry ning lalawigan. Moabot sa 150 milyones pesos ang gitumbok nga koleksiyon sa quarry sa lalawigan ning tuiga.

Positibo si Environment and Natural Resources office Head Engr. Rene Guingguing nga makabt-ot ang tinguha sa Gobernador.
Matud pa niini nga sa kasamtangan dunay 28 ka quarry permit holders ang lalawigan kung asa aktibo ug andam mokooperar sa maong plano.
Subay niini gipalabang sa Sangguniang Panlalawigan ang Ordinance No. 1571-2022 nga gipangamahan ni Board Member Dexter B. Yasay. Nalatid sa maong ordinansa ang pag-regulate ug pag-monitor sa kinatibuk-ang proseso sa quarry.

By: Rejiann Ammor R. Maygay/PIO

Photo Courtesy: Peter “Sr. Pedro” Unabia Facebook Page