Malampusong gilusad sa Provincial Social Welfare and Development Office (PSWDO) ang “Kabataan Adunay Paglaum” (KAP) Caravan uban sa Provincial Council for the Protection of Children (PCPC).

Kini gipahigayon sa Misamis Oriental General Comprehensive High School (MOGCHS) kagahapong adlawa Marso 1, 2023. Tumong niini nga matubag ang mga isyu sama sa teenage pregnancy, suicide ug child abuse. Lakip sa maong proyekto ang pagpahigayon sa “Awareness Campaign” sa matag tunghaan sulod sa tibook tuig aron masayud ang mga kabataan sa pagdumala sa maong mga isyu. Mahinumduman, usa sa kamandoan ni Gobernador Peter “Sr. Pedro” Unabia ang pagtabang sa mga kabatan-onan nga makabaton og dugang kahibalo kalabot sa maong mga isyu. Buot sa gobernador nga magiyahan ug mahatagag inspirasyon ang mga kabataan nga giilang “Paglaum sa nasud”.

By: Jane Salimbao/PIO