DISEASE SURVEILLANCE ACTIVITY GIPAHIGAYON SA PHO-CLAVERIA

March 6, 2023 Provincial Information Office

DALI nga girespondehan sa Provincial Health Office ang nadawat nga report gikan sa Sitio Aligodon, Brgy. Mat-i, Claveria mahitungod sa pagsaka sa kaso sa Human Skin Infection.
Diha diha nahatagan sa medikasyon ang 140 ka mga apektadong indibidwal pinaagi sa hiniusang aksyon nga gihimo sa PHO Epidemiology Surveillance Unit (ESU), Rural Health Unit sa Claveria ug Philippine Army- 4th Infantry Division niadtong Pebrero 21, 2023.
Lakip sa ilang gihimong aksyon ang konsultasyon ug health teaching sessions kalabot sa proper personal hygiene, proper handwashing ug washing of clothes sa mga lumolupyo.
Samtang padayon pa nga gimonitor sa Rural Health Midwives ug Barangay Health Workers sa PHO ug RHU ang kahimtang sa mga lumolupyo sa maong lugar.

By: Reiann Ammor R. Maygay/PIO