500 KAPIN MISOR-CDO JOB SEEKERS TARGET SA PHILIPPINE TOURISM JOB FAIR

GIAWHAG sa Department of Tourism-10 ug Department of Labor and Employment-10 ang tanang nangita og trabaho nga mosalmot sa “Trabaho, Turismo, Asenso!” job fair karong umaabot Marso 30 ug 31, ning tuiga.
Kini subay sa ipahigayong Philippine Tourism job fair- Northern Mindanao leg sa Limketkai Atrium, CDO City.
Tinguha ni DOT- 10 Regional Director Marie Elaine Unchuan nga maatiman ang sobra 500 ka mga aplikante.
Gihimo ang maong lakang aron matabangan ang katawhan nga nawad-an og trabaho gumikan sa milabayng pandemya ug aron subling mapalambo ang turismo sa Rehiyon.
Mokabat sa 50 ka employers ang giimbitihan ug gilaumang mosalmot niini. Samtang ubay-ubay ka mga positions ang able alang sa mga aplikante sama sa administration, accounting, marketing, human resource, housekeeping ug uban pa.
Alang sa mga dugang pangutana mamahimong mokonsulta ang mga aplikante sa Public Employment Service Office ug sa buhatan sa DOLE-10.

By: Rejiann Ammor R. Maygay/PIO

Hulagway kuha ni: Mark Anthony Pareja/PIO