RISK RESILIENCY PROGRAM, PALAPDAN NI GOV UNABIA

PLANONG palapdan ni Governor Peter “Sr. Pedro” Unabia ang programa sa Department of Social Welfare and Development Office (DSWDO) nga Risk Resiliency Program (RRP).
Matud ni Provincial SWDO Program Manager Jefferson Hamol-awon, nagplano ang gobernador nga palapdan ang RRP pina-agi sa pag subay sa programa sa administrasyon nga ‘Food Always In The Home’ (FAITH).
Gidugang ni Hamol-awon nga tinguha sa gobernador nga makakat-on usab ang katawhan sa backyard farming aron nga motaas ang food efficiency sa lalawigan.
Ang RRP usa ka programa sa mga ahensya sa gobyerno nga nag tinguha nga masayod ang katawhan sa climate change ug pag menus sa mga damyos sa katalingban. Usa usab ka pama-agi ang RRP nga mahatagan og trabaho ang katawhan pina-agi sa ‘cash for work’ diin magtrabaho sila sa 10 ka adlaw.
Padayon pa ang gobernador sa pagpasikad sa mga kalihokan nga mapalambo ang lalawigan ubos sa PAGLAUM strategic direction.

By: Nefilim Diaz/PIO

Photos Courtesy: Peter “Sr. Pedro” Unabia fb page