ADOPT A BGRY PROJECT SA BRGY. KITOTOK, KINOGUITAN NAGMALAMPUSON

NAGMALAMPUSON ang “Adopt a Barangay Project” nga gipahigayon sa Provincial Accountant’s Office didto sa Barangay Kitotok, Lungsod sa Kinoguitan, Misamis Oriental.
Pormal nga gitunol ni Provincial Accountant Philip Louie Dagoc ang 50 mil pesos nga cheque, og Polyethylene Pipe ngadto kang Brgy Kapitan Cristene Balacuit alang sa pagahimoon nga panubig.
Gilusad usab sa samang dapit ang feeding program alang sa kabataan og sa ginikanan.
Mahinumduman, una na nga nakadawat sa 50mil pesos si Balacuit gikan sa Provicial Accountant isip dugang pundo sa ilang ginagmay nga programang pangnegosyo sama sa tindahan.
Bulahan usab ang maong dapit human naalibyohan ni Governor Peter “Sr. Pedro” Unabia ang ilang problema sa panubig.
Kini nga mga Kalihukan nihaum sa programa ni Governor Unabia sa PAGLAUM sa letrang P ang “Participatory Governance”.

By: Angela Duat/PIO

Hulagway kuha ni: Mark Anthony Pareja/PIO