NAGKATIGOM sa dakbayan sa Cagayan de Oro ang mga stakeholders sa hisgutanang panubig sa Misamis Oriental. Tumong sa maong panagtigom nga makamugna og mga plano kabahin sa mas epektibo ug bastanting tubig sa lalawigan.

Nahisgutan usab sa maong tigom ang seguridad sa katawhan diha sa pagbaton sa limpyong tubig aron malikay sa mga sakit sama sa impeksyon gikan sa Escherichia coli (E. coli) virus, amebiasis ug uban pa.

Mitambong sa maong tigom ang mga kadagkuan sa pampubliko ug pribadong ahensya sa Misamis Oriental, mga mayores sa lalawigan, ug mga academe gikan sa Xavier University ug University of Science and Technology of Southern Philippines (USTP).

Hugot ang suportang gihatag ni Governor Peter “Sr. Pedro” Unabia sa maong kalihokan sa tinguha nga makahatag og kaayohan ug kalamboan sa Misamis Oriental ilabe na kung hisgotan ang panubig.

By: Nefilim Diaz/PIO