JASAAN MAYOR JARDIN GIDAYEG SI GOVERNOR UNABIA

GIDAYEG ni Jasaan Mayor Redentor Jardin si Gobernador Peter “Sr. Pedro” Unabia tungod sa gitunol sa Panggamhanang Probinsyal sa nagkadaiyang serbisyo alang sa mga lumulupyo sa maong lungsod pinaagi sa Serbisyong Paglaum Program.
Una niini, nakigtigom ang gobernador sa tanang mga kapitanes sa maong lungsod sa tinguha nga masayran ang mga yangongo sa mga residente ug mahibaloan ang nag-unang suliran sa ilang dapit.
Gipasalig sa mayor nga buhaton niini ang tanan susama sa kakugi nga gipakita sa amahan sa probinsya aron mas epektibo nga mapadangat ang serbisyo nga angayan alang sa katawhan.
Kahinumduman gibisitahan usab ni Gobernador Unabia ang mga lungsod sa Manticao, Balingoan, Libertad, Talisayan, Initao ug Binuangan ubos sa nasangpit nga programa.

By: Jane Salimbao/PIO

Hulagway kuha ni: Marvin Gilig/PIO