loader image

PAGTUKOD SA SATELLITE OFFICE PANGHINGUSGAN

NAGMABUNGAHON ang panagtagbo nila Governador Peter “Sr Pedro” Unabia ug Philippine Charity Sweepstakes Office (PCSO) Officer In Charge Branch Manager Divina Salvacion.
Usa sa ilang nasabutan ang Paglaum nga pakusgon ang hiniusang paningkamot alang sa paghatag sa serbisyong Panglawas og Katilingbanon.
Gipaambit sab ni PCSO Branch Manager Salvacion kang Governor Unabia ang pagtukod sa unang higayon dinhe sa Mindanao sa mga Satellite Offices sa Misamis Oriental.
Tumong niini nga mapalapdan pa ang tabang ngadto sa daghang mga Misamisnon alang sa natad sa panglawas sa matag Balay Tambalanan, Dialysis Centers, Cancer Patient’s Center ug uban pa.
Lauman, ang pagtukod unya sa satellite office mopaspas ug daling matubag ang pag-amoma sa panglawas ug Social Services sa tanang katawhan sa Misamis Oriental.

By: Angela Duat


Photos courtesy: Peter “Sr. Pedro” Unabia fb page