loader image

10-YEAR SWMP WORKSHOP MALAMPUSONG NATIGAYON

NAGPAHIGAYON sa duha ka adlaw nga 10-year Solid Waste Management Plan (SWMP) workshop sa Capitol Training Center (CTC) ang kagamhanang probinsyal ug Department of Environment and Natural Resources – Environmental Management Bureau (DENR-EMB) bag-ohay pa lamang.
Kini aron mapadali ang pag-aproba sa tanang sugyot may kalabutan sa basura gikan sa nagkadaiyang lungsod ug dakbayan sa Misamis Oriental. Sayod si Governor Peter “Sr. Pedro” M. Unabia, dako ang tulubagon sa kagamhanan sa pagsulbad sa problema sa basura.
Gisuportahan gilayon sa kagamhanang probinsyal ang kolaborasyon tali sa tanang local Governemnt Units (LGU) ug ang Environmental Program Implementation Financial Assistance.
Base sa buhatan sa Environment and Natural Resources (ENR) ug Provincial Planning and Development (PPD), ang maong plano ipresentar ngadto sa DENR central office ug sa National Solid Waste Management Council (NSWMC).
Kini subay sa Republic Act 9003 – kon Ecological Solid Waste Management Act of 2000.
Ang kinatibuk-ang proseso nalakip sa PAGLAUM strategic direction ni Governor Unabia sa letrang P kon Participatory governance ug letrang M kon Mobilization of resources thru equitable sharing.

By: Rejiann Ammor R. Maygay/PIO


Hulagway kuha ni: Jezreel Ecuacion & Marvin Gilig/PIO