GOV. UNABIA GITAHASAN ANG PSWDO NGA TUTOKAN ANG PAGPANALIPOD SA KABATAAN

GIMANDO ni Governor Peter “Sr. Pedro” Unabia nga tutokan sa Provincial Social Welfare and Development Office ang pagpanalipod sa kaayohan sa kabataang Misamisnon.
Gimandoan sa gobernador si PSWDO Head Jhunleymar Abella nga tigumon ang naglambigit nga mga grupo o council sama sa LCAT- VAWC kon Local Committee Against Trafficking – Violence Against Women and their Children aron ma-proteksiyonan ang kabataan.
Gikasubo sa Gobernador ang nahitabo sa kaso sa usa ka estudyante didto sa Claveria ning lalawigan.
Alayon sa PAGLAUM strategic direction partikular sa letrang A kon aggressive programs for youth welfare and development nanghinaot si Gobernador Unabia sa kaayohan sa mga kabataan sa probinsiya.

By: Rejiann Ammor R. Maygay/PIO

Hulagway kuha ni: Jezreel Ecuacion/PIO