MALAMPUSONG Nanumpa ang 9 ka mga Youth Development Council Members sa gipahigayon nga Oath Taking Ceremony atol sa pagpakayab sa nasudnong Bandila sa kapitolyo probinsyal nga gipangunahan ni Gobernador Peter “Sr. Pedro” Unabia.

Pinasikad sa Republic Act No. 10742, o “Sangguniang Kabataan Reform Act of 2015” nanumpa ang mga meyembro sa Local Youth Development Council (LYDC) – usa ka Multi-sectoral Youth Association nga gilangkuban sa Provincial Youth Development Council (PYDC), City Youth Development Council (CYDC) ug Municipal Youth Development Council (MYDC), SK Federation President ug mga representante sa mga Youth-serving Organizations gikan sa probinsiya, siyudad ug munisipyo.

Matud ni Environmental Pillar Representative - Youth Development Council Member Eric Manggaca usa sa ilang adbokasiya nga masuportahan ang mga kabatan-onan sa Misamis Oriental hilabi na sa Agrikultura. Tumong niini nga maproteksyonan ang kinaiyahan pinagi sa pag-pananom ug makab-ot ang malungtarong kalamboan sa umaabot.

Gipasalamatan usab ni Manggaca si Gobernador Unabia kinsa nangamahan sa mga kabatan-onan alang sa kaugmaon niini ug sa sunod pa nga henerasyon.

Ang maong kalihukan nihaum sa PAGLAUM DEVELOPMENT AGENDA sa gobernador sa letrang “A” Aggressive Programs for Youth Welfare and Development.

By: Jeneva C. Chacon/ PIO

Hulagway kuha ni: Jezreel Ecuacion/PIO