64TH PUBLIC LIBRARY DAY GI SELEBRAR

NAGMABUNGAHON ang gipahigayon nga ika-64 nga adlaw sa Pampublikong Librarya inubanan nila Provincial Administrator John Venice Ladaga ug Provincial Librarian Richele Pajara ning Lalawigan. Natigayon ang Film Viewing Activity og pagpakaon sa mga kabataan.
Ang maong selebrasyon nagdala sa tema “Investing in the Public Libraries is Investing People’s Lives”. Tumong niini nga mapalapdan pa ang kahibalo sa mga kabataan ug mouswag ang ilang abilidad diha sa aktibo ug kahanas nga pagtoon sulod sa librarya.
Kahibaloan ang Librarya usa sa epektibong pamaagi diha sa pagkat-on ug pagdasig sa mga bata ilabe na sa pagbasa.
Mapasalamaton si Pajara sa hugot nga suporta ni Governor Peter “Sr. Pedro” M. Unabia ngadto sa mga kabataan ning lalawigan.
Kabahin gihapon kini sa Letrang A kun Aggressive Programs for Youth Welfare Development sa Paglaum Development Agenda sa gobernador.

By: Angela G. Duat/PIO

Photos courtesy: Misamis Oriental Provincial Library