DENTAL HEALTH MONTH CULMINATION GIPAHIGAYON

MOKABAT sa 158 ka mga bata ang naka benipisyo sa gipahigayon nga National Dental Health Month Culmination sa Tagoloan Misamis Oriental sa temang “Ngiting Protektado, Ngiting Panalo”.
Kini human nagpahigayon og ‘Flouride Varnish’ application ngadto sa mga bata ang buhatan sa Provincial Early Childhood Center Development Office kauban ang Provincial Health Office ug ang Local nga kagamhanan sa Tagoloan, Misamis Oriental.
Ang Fluoride Varnish usa ka proteksyon pina-agi sa pagpahid og barnis sa ngipon nga adunay komposisyon sa mga kemikal nga makahinay sa pagkadaut sa ngipon.
Tumong niining progama nga mapanalipdan ang kahimsog sa panglawas sa mga kabataan ilabi na sa mga Day Care Centers.
Suportado ni Governor Peter “Sr.Pedro” Unabia ang natad sa panglawas sa kabatan-onan nga nakalatid sa iyang paglaum agenda sa letrang U- Unified Efforts for Health and Social Services.

By: Ellen Mae Lahinao/PIO

Photos courtesy: Provincial ECCD- MisOr