loader image

GINGOOG CITY KAMPYEON SA PINAKAUNANG PAGLAUM MISOR RISE CDO CUP

NAANGKON sa syudad sa Gingoog ang kampyonato karong tuiga alang sa pinakaunang Paglaum Misor Rise CDO Cup nga inisyatiba sa Panggamhang Probinsyal. Kini gihimo atol sa culmination night kon asa nakadawat ang team og 100,000.00 pesos ug usa ka trophy.
kini gisundan sa Provincial Capitol Team isip 1st runner up, lungsod sa Magsaysay isip 2nd runner up, syudad sa El Salvador isip 3rd runner up ug lungsod sa Initao isip 4th runner up.
Gikalipay og ayo ni Cagayan de Oro City Administrator Atty. Roy Raagas kinsa mibutyag nga andam sab kini mohimo sa ingon aron mapadayun ang nasugdang panaghiusa sa probinsya ug dakbayan.
Dako ang nahimong benepisyo sa maong programa ni Gobernador Unabia tungod kay nahatagan og kahigayonan ang mga katawhang Misamisnon nga mapakita ang abilidad sa mga empleyado dili lamang sa serbisyo publiko apan lakip na sa natad sa paugnat sa kusog.
Katuyoan sa amahan sa probinsya nga pahingusgan kini ubos sa iyang PAGLAUM Strategic Directions sa letrang “A” kon Aggressive Programs for Youth Welfare and Development.
By: Jane Salimbao/PIO


Hulagway kuha ni: Marvin Gilig/PIO