MGA BATAKANG SERBISYO GIPADANGAT SA MAGSAYSAY

NAGPADANGAT og nagkadaiyang serbisyo si Misamis Oriental Governor Peter “Sr. Pedro” M. Unabia sa Magsaysay ning lalawigan atol sa Serbisyong Paglaum.
Linawas nga giubanan nila 1st District Cong. Christian M. Unabia, Vice Governor Jigjag Pelaez ug gisaksihan sa Provincial Board Members.
Kapin tres mil ang naka benepisyo sa gihatag nga serbisyo sa Gobernador sama sa Deworming, Blood typing, Medications ug uban pa.
Tumong niini aron mahatagan og patas nga pag-atiman sa panglawas ang mga Misamisnon.
Naglangkub ang maong kalihukan sa PAGLAUM DEVELOPMENT AGENDA sa gobernador sa Letrang U kun unified Efforts for Health and Social Services Delivery og letrang P kun Participatory Governance.

By: Angela Duat/PIO

Hulagway kuha ni: Jezreel Ecuacion/PIO