NEGOSYO CENTERS SA MISOR PLANONG PALAMBUON NI GOV. UNABIA

DAKO ang pagtuo ni Governor Peter ‘Sr. Pedro’ Unabia nga maayo ang katuyoan sa Negosyo Centers sa lalawigan busa iyang palambuon.
Kini iyang gitinguha human sa bag-ohay lang gipahigayon nga Local Government Unit – Negosyo Center (LGU-NC) Crafting of Strategic Development Plan pinanguluhan sa Department of Trade and Industry (DTI).
Gitinguha sa gobernador nga malakip sa pag-preparar sa planong Devolution process sa nasyonal uban ang DTI ang mga negosyo centers sa segundo distrito lakip na sa dakbayan sa Cagayan de Oro.
Ang maong inisyatiba nagsiguro nga ang tanang negosyo centers makagahom sa paghimo og mga plano, programa ug aktibidades nga makabenepisyo ang tanang micro, small and medium entrepreneurs (MSMEs).
Nasubay ang kinatibuk-ang plano sa letrang L kon livelihood and employment through industry development ubos sa PAGLAUM strategic direction ni Gov. Unabia.

By: Rejiann Ammor R. Maygay/PIO

Photos Courtesy: Peter “Sr. Pedro” Unabia fb page