EMPLEYADO SA KAPITOLYO PROBINSYAL GIPAUBOS SA RENOVARE PROGRAM

NAGPAHIGAYON sa Renovare Program ang Misamis Oriental Provincial Government kalabot sa Event Management Refresher ngadto sa mga Empleyado ubos sa inisyatiba ni Gobernador Peter “Sr.Pedro” M. Unabia.
Maoy nagpasiugda ang Human Resource Management Office ug Provincial Adminitrator’s Office nga nakig-kolaborasyon sa One Consultancy Services. Bag-ohay pa lamang natapos ang unang sesyon nga gisugdan niadtong Marso 14 ug 15 ning tuiga.
Hisayrang nagpadayon ang ikaduhang sesyon sa Marso 21 ug 23 ug ikatulong sesyon karong umaabot Marso 28 ug 30 ning tuiga nga langkoban sa mga empleyado sa kagamhanang probinsyal.
Lakip sa maong kalihokan ang Swot Analysis Workshop, ug Event Management Checklist. Usa sa Tumong ug tinguha sa maong programa nga mahanas pa ang mga empleyado kalabot sa pagdumala.
Gipasalamatan usab sa mga participante ang gobernador sa dugang kaalam sa pagpalambo ug pag panirbisyo ngadto sa katawhan sa Lalawigan.
Ang maong kalihukan nakalatid sa PAGLAUM Strategic Agenda sa gobernador sa letrang P ang Participatory Governance.

By: Jeneva C. Chacon / PIO