loader image

KATUMANAN SA AGILA SHRINER MISAMIS ORIENTAL CHAPTER GIHINGUSGAN NI GOV. UNABIA

HINGPIT nang na-turn over ang letter of intent alang sa katumanan sa Agila Shriner Misamis Oriental Chapter ug malipayong gidawat ni Potentate Shrine Year 2023 Illustrious Reynaldo P. Mabaylan.
Si Governor Peter “Sr. Pedro” M. Unabia ang nangamahan sa ceremonial signing diin lakip sa signatories sila Noble Cesar A. Merlas ug Noble Dennis Z. Alcantar. Kini gisaksihan nila Mindanao Shrine Club Pres. Noble Dufel Lagrosas ug Agila Shriner CDO City Chapter Pres. Noble Lemuel B. Gonda.
Gisugyot nga ilhong “Amal” sa pinulongang Arabic nga buot ipasabot “PAGLAUM” Shriners – MisOr Chapter ang maong grupo. Nakalatid sa maong kolaborasyon, ang tinguha nga makatabang usab ang maong grupo sa mga kabataan sama sa mga handicapped, cleft lip ug palate, ug uban pa.
Kini gikalipay ni Illustrious Mabaylan ug gisiguro niya nga matuman ang maong plano. Human sa maong kalampusan musunod gilayon ang proseso sa pagpasa sa mga gikinahanglang rekisitos ug pinal nga pag-aprobar niini.
Ang maong kalihukan giubanan pag-selebrar sa tanang naglambigit nga dignitaries langkoban sa Mindanao Shrine Club ubos sa Shriner International.
Sa kinatibok-an nihaom kini sa PAGLAUM strategic agenda ni Governor Unabia sa letrang P – participatory governance ug U – unified efforts for health and social services delivery.
By: Rejiann Ammor R. Maygay


Hulagway kuha ni: Jezreel Ecuacion/PIO