DSWD, MITUNOL SA ‘SALAMAT PO’ AWARD SA MOPH- GINGOOG CITY

April 18, 2023 Provincial Information Office

NAKADAWAT ang Misamis Oriental Provincial Hospital (MOPH) Gingoog City sa ‘Salamat Po’ award gikan sa Department of Social Welfare and Development Office (DSWD) Region 10.
Matud ni MOPH Gingoog City Hospital Chief Dr. Ferdinand Banawan, bunga kini sa libreng serbisyong medikal sa MOPH Gingoog City ngadto sa mga kliente sa DSWD – 10.
Gidugang ni Dr. Banawan nga tungod usab kini sa kolaborasyon sa MOPH Gingoog sa DSWD aron nga maserbisyohan ang katawhan hilabi na sa mga nanginahanglan.
Dako usab ang pasalamat ni Dr. Banawan kang Governor Peter “Sr. Pedro” Unabia tungod sa iyang walay puas nga paghatag og mga programa sa katawhan.
Subay kini sa letrang P kon Participatory Governance ug letrang U kon Unified Efforts for Health and Social Services Delivery sa PAGLAUM strategic direction sa gobernador.

By: Nefilim Diaz/PIO