FIRST LADY ERLINDA UNABIA MIHATAG OG MENSAHE SA MGA KAUBANG KABABAYEN-AN
Gipahinungod ni First Lady Erlinda Unabia sa sama niyang mga kababayen-an sa lalawigan ang mensahe atol sa Women’s Month Culmination ning bag-o.
Sa iyang mensahe, gipasabot ni Mrs. Unabia ang mga balaod nga gimugna sa gobyerno alang sa katungod sa mga kababayen-an ug mga kabataan sama sa Republic Act 9262 o mas naila nga “Anti-Violence Against Women and Children Act”, “Solo Parent Welfare Act”, “Safe Spaces Act”, “Magna Carta of women” ug uban pa.
Gidugang sab niini nga dili sayon ang kasinatian sa mga kababayen-an gani, sumala sa Philippine Statistics Authority (PSA), usa sa upat ka mga babaye nga nag-idad 15-19 anyos ang nakasinati sa pisikal nga pagpangabuso gikan sa ilang mga pares sa kinabuhi.
Tungod niini, hugot ang pagtuo ni Mrs. Unabia nga angayang hatagan og gahum ang mga kababayen-an aron “makasulti sa ilang mga gibati”, mahatagag suporta sa kagamhanan ug mabati ang gender equality.
Suportado sab ni Gobernador Peter “Sr. Pedro” M. Unabia ang tinguha sa first lady alang sa kaayohan sa mga kababayen-an ug malaumon nga maangkon ang VAW-free nga probinsya.
By: Jane Salimbao/PIO
Hulagway kuha ni: Jezreel Ecuacion/PIO
#GovPUnabia #WomenEmpowerment #BabaeBangon
