Moabot sa kapin usa ka libo ang kinatibuk-ang mga benepisyaryo sa Serbisyong PAGLAUM program ni Governor Peter “Sr.Pedro” Unabia nga gihatud ngadto sa Barangay Imelda lungsod sa Villanueva ning bag-o lang.
Ang mga serbisyo nga gitunol mao ang libreng medical check-up sa mata, dental service, libreng tambal, family planning, konsultasyon sa mga mabdos, libreng bakuna batok covid-19, National ID assistance, Legal Counselling ug Provincial Microfinance Unit-Livelihood for Economic Recovery and Acceleration Program (PMU LEAP).
45 ka mga iskolar sa maong barangay ang nalakip sa Iskolar ko ng Bayan (IKNB) nga makadawat ug tag 2500 matag semester.
Aduna usab gipahigayon nga pagpanghatag sa tsinelas nga mismo si Governor Unabia ang nanguna sa maong kalihokan.
Kini agi’g pagtuman sa saad sa Gobernador nga magbisita sa mga katawhan sa lalawigan aron mahatud ang mga batakang serbisyo ubos sa iyang PAGLAUM strategic direction sa letrang U kun Unified efforts for health and social services delivery.

BY: Ellen Mae Lahinao/PIO

Hulagway kuha ni: Mark Anthony Pareja/PIO
#GovPUnabia #SerbisyongPaglaum #SuportasaKabaranggayan