GOV UNABIA, GITIGOM ANG MGA MIYEMBRO SA PPOC UG PADAC

GITIGOM ni Governor Peter “Sr. Pedro” Unabia ang mga miyembro sa Provincial Peace and Order Council ug Provincial Anti-Drug Abuse Council para sa ikaduhang kwarter sa tuig 2023.
Nahisgutan sa maong tigom ang mga kalamboan sa kahapsay ug kalinaw sa lalawigan hilabi na sa hisgutan sa mga programa alang sa mga surrenderees gikan walhong grupo, droga, ug mental health sa katawhan.
Matod sa gobernador gikinahanglan mahatagan og dugang programa ang mga surenderees sa walhong grupo sama sa dugang livelihood programs ug seguridad sa ilang pag surrender.
Gidugang usab sa gobernador nga gikinahanglan mag implementar ang mga lungsod ug dakbayan sa lalawigan og random drug testing ngadto sa ilang mga empleyado sama sa nilabay nga drug testing sa Kapitolyo Probinisyal.
Samtang mapasalamaton si Claveria Municipal Mayor Hon. Meraluna Salvaleon-Abrogar sa gobernador tungod sa hugot nga suportang gihatag sa gobernador sa programang ‘Strengthened Family Relationship’ sa mayor sa tinguha nga mokunhod ang suicide rate sa lalawigan.
Kabahin kini nga kalihokan sa PAGLAUM strategic direction sa gobernador nga nakalatid sa letrang P kon Participatory and Consultative Governance ug letrang U kon Unified Efforts for Health and Social Services Delivery.

By: Nefilim Diaz/PIO

Hulagway kuha ni: Mark Anthony Pareja/PIO
#GovPUnabia #peaceandorder