loader image

LUGAIT UG MAGSAYSAY, MAS GIPAHUGTAN ANG SEGURIDAD BATOK ASF

MAS gipahugtan sa Provincial Veterinary Office ang pagpasulod sa mga binuhing mananap sa mga entry point sa Misamis Oriental nga gilangkoban sa Lugait og Magsaysay. Kini human gibutyag ni Provincial Agriculture and Veterinary Officer Dr. Benjamin Resma nga agi kini sa paglikay sa pagkuyanap usab sa African Swine Fever kon ASF sa mga binuhing baboy.
Matod ni Dr. Resma nga 24 oras naka monitor ang PROVET sa maong mga lungsod sa mga sakyanan nga mosulod hilabi na sa mga mamahimong tagoan sa binuhing baboy.
Gidugang ni Dr. Resma nga dunay usa ka sakyanan nga nagkargag baboy gikan sa Zamboanga ang napugngan sa Lugait panahon sa nilabay nga Semana Santa.
Mapasalamaton usab si Dr. Resma ngadto ni Governor Peter “Sr. Pedro” M. Unabia sa iyang suportang gihatag sa PROVET aron malikay ang katawhan ug mga binuhing mananap sa mga sakit.
Subay kini sa PAGLAUM strategic direction sa administrasyon nga nakalatid sa letrang P kon Participatory Governance ug letrang M kon Mobilization of Resources Thru Equitable Sharing.

By: Nefilim Diaz/PIO


Photos courtesy: Provincial Veterinary office
#GovPUnabia #Seguridad #kontraASF