PROVET AKTIBO ANG MONITORING UG SURVEILLANCE SA NEW CASTLE DISEASE

HUGOT ang gihimong monitoring ug surveillance sa Provincial Veterinary Office (PROVET) sa pagpangulo ni Dr. Benjamin Resma aron dili mokaylap ang New Castle Disease sa lalawigan.
Ang New Castle Disease usa ka sakit sa manok nga makatagod pinaagi sa laway niini ug dala sa hangin nga mamahimong mohurot ug patay sa manok sulod lamang sa 3 ka adlaw.
Gimando ni Governor Peter “Sr.Pedro” M. Unabia nga protektahan ang industriya sa manok kon Poultry Industry sa lalawigan nga maoy isa sa tinubdan sa kinitaan sa mga mag-uuma.
Matod ni Dr. Resma aduna nay gitahasan nga mga personahe sa ilang buhatan susama sa Surveillance, Monitoring, Quarantine, ug Vaccination team aron malikayan ang maong sakit.
Dili kini tiaw nga hagit sa lalawigan apan kanunay mosuporta ang gobernador kauban ang kagamhanang probinsyal sa mga naapektuhan.
Gani, nakahan-ay na ang mga lakang aron maprotektahan dili lang ang katawhan lakip na ang mga binuhing hayop sa lalawigan.
Kini nakalatid sa PAGLAUM strategic sa Gobernador sa letrang A kon Agriculture Development for Poverty Eradication ug Letrang L Livelihood and Employment Through Industry Development.

By: Ellen Mae Lahinao/ PIO

Photos Courtesy: Provincial Veterinary Office Misamis Oriental