KATAWHAN SA LAGUINDINGAN GIDAGSA ANG SERBISYONG PAGLAUM

DAKO ang pasalamat ni Laguindingan Mayor Diosdado T. Obsioma ngadto ni Governor Peter “Sr. Pedro” M. Unabia sa dakong suporta niini pinaagi sa PAGLAUM PROGRAM. Reaksiyon kini ni Mayor Obsioma human gipahigayon ang SERBISYONG PAGLAUM sa laguindingan ning lalawigan.
Gipadayag sa opisyal ang lima ka priority projects sa ilang lungsod nga gilangkoban sa coastal area development, panubig, merkado publiko, provincial road ug sanitary landfill site.
Kampante si Mayor Obsioma sa katumanan sa maong mga proyekto ilabina na sa panubig nga gihingusgan sa gobernador isip gasa sa katawhan sa laguindingan.
Giklaro ni Governor Unabia ang tinguha sa programang PAGLAUM, aron masayran ang mga gikinahanglan sa matag barangay, makonsulta ang tanang mga lideres ug madunggan ang tingog sa ilang mga ginsakopan.
Nahisubay kini sa PAGLAUM development agenda ni Governor Unabia ubos sa mga letrang P kon participatory governance, letrang L kon livelihood and employment through industry development, letrang A kon aggressive programs for youth welfare and development ug letrang U kon unified efforts for health and social services delivery.

By: Rejiann Ammor R. Maygay/PIO

Hulagway kuha ni: Marvin Gilig/PIO
#GovPUnabia #SerbisyongPAGLAUM