MGA NEGOSYANTE SA PROBINSYA GITIGOM SA USA KA FORUM

GIDUYOGAN ni Governor Peter “Sr. Pedro” M. Unabia katigoman sa mga Micro, Small, Medium Enterpreneurs (MSMEs) sa probinsya. Kini subay sa gipahigayong Financing Forum for Industry Cluster Stakeholders and Shared Service Facilities (SSF) Cooperators nga gipasiugdahan sa Department of Trade and Industry (DTI).
Atol sa kalihokan, gipresentar sa walo ka mga local financial institutions nga langkoban sa DOLE, DOST, DA, DBP, FICCO, LANDBANK, First Community Cooperative ang ilang mga programa lakip na ang PMU-LEAP.
Matud ni DTI Provincial Director Almer Masillones, gihimo kini nga forum aron mapahibalo sa mga MSMEs nga adunay financing institutions sa pribado ug publikong sektor nga andam motabang sa ilang negosyo.
Nakalatid kini nga kalihokan sa PAGLAUM Development Agenda sa gobernador sa letrang “L” kon Livelihood and Employment through Industry Development.

By: Jane Salimbao/PIO

Hulagway kuha ni: Marvin Gilig/PIO
#GovPUnabia #MSME #DTI